Ü PICOL DÖBE

Care i me paisà

A èt, da che de sura,

come ‘l cambia ol mont

e a che velocità

da i me tep de alura,

gh’è de restà le ‘ncantacc.

Per esempe, fra tate situasiù,

la liberasiù di dòne

dai cadene del masc padrù !..

‘Ntendensa be, tat de capèl

al “Gentil Sesso”

la parità col masc

öna regola sacrosanta !..

Certo, i pöl fa töt i nostre dòne,

anche mei de notér

di ölte i t’encanta !..

Ma, al m’è egnit

ü picol döbe …

che forse, miga töte

i sièss dientade grande …

se ol sò defà piö gròss,

con sö la minigonna,

èl siès chèl de riaga,

a tègnn quarciade zo i mödande !..

P.S.   A proposèt, la me Colombina la portaa i mödande fina

          ai caege e gh’ere mia tàt de usà perché la comandaa  Le.

MARIO GIUPPONI