OL MARIO GIUPU’   di G.Battista Gozzi

POESIA DEDICATA A MARIO GIUPPONI IN OCCASIONE DEL
CONFERIMENTO DEL PREMIO “ GENS PRIULA” - 21 NOVEMBRE 2003

Che ol Mario el sies ù tipo en po’ special,
en sé mia certo noter che a scupril,
la so fama de artista original,
l’ha percurit zemò tota la al.

L’ho cunusit dè sempre, come nom,
anche en dè me ca’ senties spess cital,
per quac truade de la sò fantasia,
opor, semplicement, perché el turnaa.

Eh se, perché ol Mario, de San Gioan,
l’è stacc luntà per ù bel po’ de agn,
quando po’ a la fi l’è riturnat,
l’ha rimetit so cà e l’ha ricuminciat.

Carater schietto, scuntrus, poche parole,
l’è mia certo ù tipo che el vol sent di bale,
passiù e sentimenc, òna miniera,
ma quando el ve rabbius, el te fa pura.

En de l’arte l’è dificile truà,
en che ram el sies mia bu de navigà,
daga ù penel, ona pena, ù spartit,
el trua sempre la manera de diertit.

Co i sò poesie delicate e umane,
el ghe ria a fa set i emussiù piò strane,
sia che el parle d’ un amis, ù fiur, o òna festa,
el ga sempre un argoment che el tè conquista.

Col penel pò, l’e ù maestro ad afrescà,
e co la musica el ga mia dificoltà,
col mandulì, ol piano, o òna chitara,
la festa e l’alegria per tocc l’è garantida.

Col teater, però l’ha dusit penà,
per ensegnaga a tocc chel che en ghie de fa.
En sia di gacc de marmo, durr, engesac,
ma lu co la pasiensa el ga ‘ ndrissac.

Certe sire, pensae che le sciopess,
e che el piantess le tot el ves i lecc,
ma lù, co’ la sò grinta e ‘n po crapù,
el te faa ripet fin che el ghe nia resù.

Grassie Mario, per chel che te ensegnat,
grassie per i sucessi che en ga it,
sensa de Te, m ‘ avress mai pudit pruà,
la belesa e i emussiù del recità.

Stasira, che sol palco se en ga ria,
en recita per Te in alegria,
sensa la tò presensa dedre ai quinte,
sensa i tò racomandassiù, sensa i tò spinte.

L’è ol nost regal, l’è la riconoscensa,
a Te che te ensegnat co la pasiensa,
che te sircat, de artista come Te,
de faga sent det de noter chel che te se.

Sto premio isse importante che el ta e dacc,
l’è per regordaga a tocc chel che te facc,
sensa bordell, e sensa tat bacà,
ma con tat cor, passiù e semplicità.

GRASSIE MARIO

 

GB GOZZI